Милино доби модерно спортско игралиште

Ново спортско игралиште денеска беше пуштено во употреба во селото Милино, во општина Лозово.

Директорот на Агенцијата за млади и спорт  Марјан Спасески заедно со вицепремиерот Владимир Пешевски и градоначалникот на општина Лозово  Орце Цветковски свечено го предадоа во употреба новоизграденото повеќенаменско игралиште од проектот „ Изградба на 100 повеќенаменски игралишта низ целата држава“.

Изградбата на игралиштето е во вредност од седум  милиони денари.

Со изградбата на повеќенаменското игралиште во општина Лозово ќе се овозможат услови за непречен развој на младите и спортистите да спортуваат и рекреираат на истото. Игралиштето е со димензии за одигрување на натпревари во мал фудбал, ракомет и кошарка, а и со систем за ноќно осветлување – рефлектори за одигрување натпревари во ноќните часови.

Покрај ова повеќенаменско игралиште, во Општина Лозово во 2011 година изградено е и предадено фудбалско игралиште за потребите на граѓаните и фудбалерите на ФК Работник од Лозово

Доколку преземете содржина од оваа страница, во целост сте се согласиле со нејзините Услови за користење.