Полската тенисерка Ига Швјонтек (ВТА – 2.) ќе се бори против Американката Џесика Пегула (ВТА – 5.) за титулата победничка на финалето на ВТА во мексиканскиот град Канкун, каде што ја победи во неделата во полуфинален меч првата тенисерка во светот, Белорусинката Арина Сабаленка со 6-3, 6-2.
Тоа беше полуфинален натпревар кој беше закажан за сабота, но поради дожд беше одложен за в недела. Во деветтиот меѓусебен натпревар, Швјонтек лесно ја постигна шестата победа, со што си овозможи втора година по ред да ја освои титулата во Канкун за да ја заврши сезоната на местото „број 1“ на поединечната ВТА ранг-листа.
Пегула во саботата ја совлада сонародничката Коко Гоф со 6-2, 6-1, па во финалето ќе се сретнат две тенисерки кои стигнаа до мечот за титулата со сите четири победи.
Финалниот натпревар е закажан за 23,30 часот по средноевропско време.
Во понеделник во 19,30 часот се игра финалниот двомеч, а американско-австралиската двојка Никол Меличар-Мартинез – Елен Перез ќе се бори за титулата против германско-руската комбинација Лаура Зигемунд – Вера Звонарјова.
