Зимбабве ја укина смртната казна

Властите во Зимбабве одлучија да ја укинат смртната казна по неколкумесечна дебата во парламентот и наместо тоа се определија за долги затворски казни за најтешките криминални дела.

Владата вчера усвои предлог-закон што беше претставен во Националното собрание минатата година за укинување на смртната казна наследена од британската колонијална власт.

„Со оглед на потребата да се задржи елементот на одвраќање при изрекувањето на казните на убијците, се очекува новиот закон да изрече долги казни без да се наруши правото на живот“, се вели во соопштението на Владата.

Зимбабве ја изврши својата последна егзекуција во 2005 година, а претседателот Емерсон Мнангагва кој и самиот еднаш беше осуден на смрт за време на борбата за независност против британската власт, се залагаше за укинување на смртната казна.

Доколку преземете содржина од оваа страница, во целост сте се согласиле со нејзините Услови за користење.