Спорт

Тер Стеге од 30 јуни нов голман на Барселона

Тер Стеге од 30 јуни нов голман на Барселона

Ако им се верува на шпанските медиуми, тогаш младинскиот репрезентативец на Германија и прв голман на германскиот бундеслигаш Борусија од Менхенгладбах, Марк тер Стеге, на стартот од летниот преоден рок и официјално ќе биде претставен како најнова милионска аквизиција на каталонскиот гигант Барселона.

Фудбалските медиуми во Шпанија денеска ја пласираа информацијата дека двата клуба постигнале договор околу трансферот на Тер Стеге, а најверојатно, Борусија од Менхенгладбах ќе заработи околу 12 мил. евра од продажбата на талентираниот голман.

Младинскиот репрезентативец на Германија треба да потпише петгодишен договор со актуелниот шампион на Шпанија, а таквиот договор му гарантира годишна плата од 2.5 милиони евра.