Свет

Тереза Меј: Сега не е време за референдум за шкотска независност

Тереза Меј: Сега не е време за референдум за шкотска независност

Британската премиерка Тереза Меј ја отфрли можноста за организирање втор референдум за независност на Шкотска пред пролета 2019 година, порачувајќи и на шкотската прва министерка Никола Старџен дека „сега не е време за тоа“.

Меј нагласи дека нема да почне никакви преговори со Старџен околу нејзиниот предлог за организирање нов референдум за независност на Шкотска, во вреле кога таа треба да се покрене преговорачкиот процес за излез на Велика Британија од ЕУ.

– Не би било фер Шкотланѓаните да очкуваат нешто такво, кога не знаат каков вид партнерство ќе постои меѓу ЕУ и Велика Британија во иднина или како ќе изгледа шкотската независност, изјави Меј.

Изјавата на Меј доаѓа по соопштението на Страџен дека идната недела ќе побара од шкотскиот Парламент да усвои отворање на процес за втор референдум, што Единбург го оправдува со одлуката на британската Влада земјата да излезе од ЕУ.

Одбивањето на британската премиерка да прифати да разговара за Брегзит со Шкотска, како и за отворањето на процесот за повторен референдум ќе предизвика натамошна ескалација во односите меѓу Лондон и Единбург, кои и онака се прилично влошени, а посебно на релацијата меѓу Меј и Страџен.

Шкотската прва министера веќе и порача на Меј дека таа „нема мандат од никого“ за носење радикални решенија и одлуки, додека поранешниот лидер на Шкотската национална партија (СНП), Алекс Салмонд изјави дека британскиот „империјален Парламент“ во Лондон, повеќе нема право да и определува на Шкотска како таа ќе се однесува и какви мерки ќе определлува за својата иднина.