четврток, 27 јули 2017  |  Вести денес: 53

Терористите во Куманово со иста цел и намера како оние во Париз

kumanovokakoparizz

Поврзани вести

Терористите кои беа пресретнати и уапсени во Куманово имаа иста намера и цел како оние од Париз.

Целта на тероростите во Париз и на оние кои македонската полиција ги пресретна во Куманово е иста: предизвикување истовремени крвави терористички напади на места кои овозможуваат што е можно поголем  број на жртви.

Цела ноќ светски аналитичари за големите телевизиски центри анализираа дека во Париз станува збор за добро подготвена група, која е свесна дека заминува во „последна акција“, дека целите се намерно избрани- таму каде ќе има најмногу крв, од различни нации, но и во близина на настан каде е претседателот Оланд, како и тоа да се случува одеднаш на повеќе локации за да се одземе силата на полицијата, пишува Република.

Порталот нагласува дека во изминатиот период се посочуваше на неколку пати на веројатноста тероризмот во Европа да доаѓа заради мигрантскиот бран и слободниот режим за патување, дека млади луѓе одат на обуки во терористички кампови во Сирија и се враќаат во Европа подготвени за крв.

Исходот е познат: Светот во шок, крв на улиците на градот на светлината, сведочења за ладнокрвни убиства на голобради заложници заробени во концертна сала, полициски час, над 150 жртви, огромен број повредени, и физички и психички, затворени патишта, затворена Франција. Ужас, страв, терор, пишува „Република“.

Во продолжение порталот потсетува на настаните во Диво насеље во мај годинава.

Политичката криза предизвикана од СДСМ прерасна во насилство кое кореспондираше со времето на навлегувањето на искусни терористи со „домашна“ поткрепа. Насилствата на протестите низ Скопје од безбедносен аспект изнуди повлекување и концентрација на безбедносни сили во Скопје. Групата во Кумановско „запоседна“ населба со поддршка на дел од локалното население во градот каде конгрес одржа владејачката партија со целиот државно политички врв.

Одговорот кој што групата го пружи кон македонските полициски сили покажаа дека се работи за доброобучени, искусни воини, терористи чии што имиња потоа одекнаа во целиот регион; покажаа дека обезбедиле одлична логистика кај дел младото население. Таа група цели 15 години го тероризираше Балканот, а е создадена од лица по кои се трага меѓународно, за убиства, тероризам, насилство врз цивили и други дела.

Но, тоа што е најстрашно, подоцна се откриваат плановите со нивните цели, кои ништо не се разликуваат од оние од Париз сношти. Одбрани се цели за максимализирање на жртвите, избрани се цели каде во текот на денот или ноќта се посетувани од различни структури, безброј невини потенцијални жртви- млади, стари, родители, деца, цели семејства, туристи, странски и домашни.

Во кумановската акција загинаа осум припадници на безбедносните сили. Дел од триесетмината проведени потоа, посочиле дека тие биле поделени во групи, имале задачи да вршат напади врз различни објекти, цивилни и државни цели, полициски станици, трговски центри, Камениот мост во Скопје…

Само решителната акција на полицијата ја спаси државата од терор. За тоа колкава била бездушноста на оваа група говори и фактот дека кумановската населба била минирана од нив. Како благодарница и кон семејствата во чии што домови беа здомени терористите. По акцијата траеше деминирање од полицијата за да може да се вратат граѓаните во своите домови.

Тоа што сега светот сведочи за случувањата во Париз, доколку не реагираше полицијата, ќе се случеше и во Македонија. Акцијата во Диво насеље, и покрај сите жртви, претставува успешно спречување на огромен терор кој што не само што ќе однесеше стотина или неколку стотици цивили-жртви, туку и кој знае на каде ќе ја одведеше Република Македонија.

Најчитани вести