Македонија

Терористи во Тунис обезглавија полицаец

Терористи во Тунис обезглавија полицаец

Терористи во Тунис киднапираа еден полицаец, кој не бил на должност и го обезглавија, соопшти денеска Министерството за внатрешни работи.

Според локалните медиуми возилото на полицаецот било запрено од вооружени лица во областа Кеф, северозападен Тунис. Во возилото бил и братот на полицаецот. Првичната цел на вооружените лица била да ги ограбат, но откако откриле дека едниот е полицаец, го киднапирале и подоцна го убиле. Во нападот братот на полицаецот не е повреден.

Во меѓувреме Министерството за одбрана соопшти дека еден војник загинал при експлозија на мина во јужниот дел на Тунис.

Од револуцијата во 2011 година во Тунис во пораст е исламскиот екстремизам. Во изминатите две година туниската војска е во потрага по џихадисти во пограничните области, каде се чести заседите за полицајците и војниците. Во пограничните области се шверцува нафта, храна и оружје.