Македонија

Тетовчани го блокираа патот револтирани од лажните ветувања на Владата

Тетовчани го блокираа патот револтирани од лажните ветувања на Владата

Жителите на селото Порој во петокот го блокираа патот Тетово – Јажинце незадоволни од работата на централната и локалната власт. Тие се изреволтирани поради нечистењето на коритото на реката во Порој, каде пред два месеци имаше поплави.

Жителите велат дека сегашната состојба е многу поопасна отколку што беше пред поплавите поради тоа што не се преземени долгорочни мерки.

„Се собравме денеска да го изразиме нашиот револт и незадоволство за нивното незамерување од страна на локалната и централната власт. Иако тие ветија пред медиумите и граѓаните дека ќе преземат мерки за чистење на коритото на реката и долготрајните мерки за спречување на можни поплави во иднина. Како што може да забележите, коритото на реката не го исчистија, а да не зборуваме за долготрајните мерки. Моменталната ситуација е многу поопасна одошто пред поплавите“, изјави жител на селото.

Мештаните се гневни на министерот за транспорт и врски, Горан Сугаревски поради тоа што сѐ уште не е изграден мостот во селото.

Жителите велат дека Министерството за земјоделство и ресорниот министер, Љупчо Николовски сѐ уште нема исплатено отштети на земјоделците за уништените посеви.

Мештаните се гневни и на министерот за финансии, Драган Тевдовски се уште нема обезбедено финански средства за да им се помогне на овие луѓе.

Револтирани се и локалната и централната власт, бидејќи градоначалничката на општина Тетово, Теута Арифи, и премиерот Зоран Заев не преземале никакви мерки за санација на последиците од поплавите.