Тетовка силувана во продавница

Вистински хорор ја потресе Македонија, откако 32-годишна тетовка пријавила дека била силувана во продавница.
Во 6 часот вчера во  Полициска станица Тетово, 32 годишна жена пријавила дека на 09.07 годинава во 22.30 часот, на улицата „Илинденска” во Тетово, пред продавницата за овошје, побарала запалка од вработениот Б.Ф.(31) од селото Мала Речица за да запали цигара, по што истиот ја повикал да влезе внатре за да ја земе.

Откако жената влегла внатре, Б.Ф. ја заклучил влезната врата и со закана со скалпер и нож се упатил кон неа, ја удрил во пределот на главата, таа паднала на подот и почнала да вика за помош. Потоа ја фатил за коса и почнал да ја влече по подот, нанесувајќи и повреди со ножот и скалперот по телото, а потоа ја силувал.

На несреќната жена и била укажана лекарска помош во Клиничка Болница-Тетово, каде се констатирани телесни повреди по телото.

Извршен е увид на местото на настанот, а се преземаат мерки за целосно расчистување на случајот.

Доколку преземете содржина од оваа страница, во целост сте се согласиле со нејзините Услови за користење.