Македонија

Тетово: Змија во автомобил ги вознемири граѓаните

Тетово: Змија во автомобил ги вознемири граѓаните

Поголема група граѓани во центарот на Тетово синоќа се собрале околу автомобилот откако забележале змија долга околу 40 сантиметри во неговата внатрешност, јавува Алфа Тв.

Како што јавува телевизијата веднаш била повикана екипа од Противпожарната единица во Тетово која интервенира во вакви случаи. Од безбедносни причини автомобилот со помош на пајак служба бил пренесен во седиштето на Противожарната единица каде што змијата била отстранета и пуштена на слобода.

Апелираме до сите граѓани доколку имаат вакви проблеми, сега кога темепратурата е покачена, да ни се обратат за стручно мислење и совети да помогнеме колку што можеме за нивно отстранување од куќите или автомобилите, вели Бобан Трпковски заменик командир на ТППЕ Тетово.

Од Притивпожарната единица велат дека нема начин како граѓаните да превенираат вакви случај, бидејќи змиите се влекачи и многу често успеваат да влезат во автомобилите, најчесто за време на излети и престој во природа. Истакнуваат дека во таква ситуација граѓаните веднаш да треба да се обратат до надлежните.