Пејачката Тијана Дапчевиќ (39) за која од неодамна се шпекулира дека се разведува од кошаркарот Милан Дапчевиќ, веќе се иселила од семејниот дом во Белград, пренесува најновиот број на српскиот магазин „Хелоу“.
Тијана се иселила од семејниот дом, со што и неофицијално ги потврдува гласините дека навистина се разведува од сопругот.
Весникот „Ало“ пренесува дека во бракот на пејачката и нејзиниот сопруг, работите не функционирале веќе подолго време.
Тијана и Милан го имаат шестгодишниот син Вук кој од оваа есен ќе тргне на училиште. Од нејзините изјави во медиумите пред извесен период, Тијана дури и размислувала да остане бремена, но се откажала од идејата за да го спаси бракот.
Според српски „Пулс“, Тијана наводно му кажала на сопругот дека мора да се промени од корен, инаку нвистина ќе биде крај, а тој тоа не го направил.
Пред неколку месеци, Тијана ги „подгреја“ гласините за тоа дека нешто не чино во нејзиниот брак, кога на свадбата на нејзината сестра Тамара се појави без сопругот.
