-Во рамки на овој проект предвидено е помеѓу другите апарати набавка на нов мамограф со кој што ќе се замени стариот мамограф кој што е стар веќе 30 години и е дотраен и аналоген. Со нов дигитален мамограф кој што ќе биде ставен во функција на сите жени во Куманово и во поширокиот регион имајќи во предвид дека ракот на дојка е најчесто малигно вработување кај жените. Во рамки на овој огромен проект за набавка медицинска опрема ќе се набават и други апарати како дигитални рендгени, повеќе типови на ехо апарати, опрема во делот на гинекологијата, колоноскопија итн. Опрема која што беше побарана од страна на сите одделенија во рамки на општата болница во Куманово, опрема која што е неопходна за сериозно подигнување на квалитетот на услуги што се даваат во оваа здравствена установа, рече Тодоров.
Посочи дека во Куманово наскоро ќе започне и изградбата на нов ургентен центар, за кој веќе процедурите се завршени.
Тодоров најави дека во општата болница во Куманово ќе се реконструира и одделот за физикална терапија по примерот на неодамна реконструираниот одел за физикална терапија во ГОБ „8 септември“ во Скопје.