четврток, 1 декември 2016  |  Вести денес: 51

Тодоров: Нова медицинска опрема треба да се набавува во континуитет, ќе се вложат 33 милиони евра во наредниот период

Ако направиме една анализа на апаратите во државата ќе видиме дека овие апарати што сега се набавени и апаратите што ќе се набават со новата програма ќе овозможат околу половина од апаратите да бидат понови од 2010 година, што значи дека веќе имаме еден многу повисок стандард затоа што најголем дел од апаратите ќе бидат обновени и ќе бидат во добра кондиција, вели министерот за здравство.

todorov

Последни вести

Ако се сопре со инвестицискиот циклус во здравството и се престане со набавката на опрема, комплетно ќе се сопре и развојот на здравството. Медицината е област која многу брзо се развива и се менува особено во делот на технологијата и апаратурата и ако не се следи чекорот со промените многу брзо ќе имаме застарена опрема или опрема која што нема да биде во функција на подобар здравствен систем. Од тој аспект, обврска на здравствените власти е во континуитет да продолжат да набавуваат нова опрема.

Ова го истакна министерот за здравство Никола Тодоров, во вечерашната дебатна емисија „Акцент“ на МРТ.

-115 милиони евра е опремата што е набавена во изминатиот период и 33 милиони евра ќе се набави опрема во наредниот период. Ако направиме една анализа на апаратите во државата ќе видиме дека овие апарати што сега се набавени и апаратите што ќе се набават со новата програма ќе овозможат околу половина од апаратите да бидат понови од 2010 година, што значи дека веќе имаме еден многу повисок стандард затоа што најголем дел од апаратите ќе бидат обновени и ќе бидат во добра кондиција, но тоа не значи дека треба да се престане и да не се набавуваат апарати во иднина. Мора ова во континуитет да продолжи, додаде Тодоров.

Најчитани вести