Оваа торта мошне брзо и лесно се подготвува, а вкусот потсеќа на сникерс чоколада.
Состојки:
5 жолчки
5 белки
5 кафени лажици шеќер
500 мл слатка павлака + 200 мл за декорација
300 гр кикирики со лушпа
150 гр чоколада за готвење
Малку путер и малку млеко
Подготовка
- Жолчките ги матиме со миксер додека не добиеме крем и ги ставаме да се варат во сад на пареа, најмалку околу 4 минути со непрестано мешање. Ги тргаме од пареата и ги оставаме малку да се оладат.
- Во меѓувреме ја матиме слатката павлака. Белките ги матиме со миксер додека не добиеме цврст шам и во нив наизменично додаваме, лажица павлака, лажица шеќер и лажица жолчки и обработуваме со миксер на најмала брзина. Продолжуваме да ги додаваме состојките додека не ги потрошиме сите и додека сите состојки не се соединат. Добиениот крем се става во фрижидер околу 10-тина минути.
- Во меѓувреме ги чистиме кикириките од лушпата и една третина од нив лесно ги толчиме на ситни парченца, а остатокот го мелеме.
- Чоколадата се сече на коцкички и ја ставаме на пареа да се стопи, а кога ќе омекне додаваме малку путер и 2 лажици млеко за да добиеме чоколадна глазура.
- На дно на калапот за торта ставаме мелени и иситнети кикирики, преку тој слој нанесуваме една третина од припремениот крем, повторно ставаме слој кикирики и врз него третина од растопената чоколада. Повторно ставаме крем, преку него ставаме тенок слој чоколада, па повторно слој крем врз кој ќе го истуриме остатокот кикирики и на крајот ја прошаруваме тортата со чоколадната глазура.
Тортата може да се декорира со слатка павлака, кикирики и чоколада.
- Тортата ја ставаме во замрзнувач околу 6 часа, ја вадиме пред послужување!