Спорт

Англиски Лига куп Тотенхем во осминафиналето на ФА купот

Тотенхем во осминафиналето на ФА купот

Фудбалерите на Тотенхем се последните учесници во осминафиналето на годинешната сезона од најстарото фудбалско натпреварување на светот, англискиот ФА куп, откако во повторениот дуел од 4-то коло на „Вембли“ го совладаа со 2:0 (2:0) Њупорт Каунти, член на четвртата лига.

Тотенхем поведе со автоголот на Батлер во 26 минута, а конечниот резултат го постави Ламела во 34 минута. Во осминафиналето „мамузите“ ќе гостуваат кај третолигашот Рочдејл.

Другите двојки во осминафиналето ги сочинуваат се Лестер Сити – Шефилд Јунајтед, Челзи – Хал Сити, Шефилд Веднсдеј – Свонси Сити, Брајтон енд Хоув Албион – Ковентри Сити, Вест Бромвич Албион – Саутемтпин, Гадерсфилд Таун Манчестер Јунајтед и Виган Атлетик – Манчестер Сити. Натпреварите ќе се играат од 16-ти до 19-ти февруари.