По очајното прво полувреме кој тимот на Рома го одигра во големото градско дерби против Лацио, во вториот дел “домаќините” заиграа далеку подобро.
Иако имаше негатива од 0:2, во вториот дел, предводена од клупската легенда, Франческо Тоти, кој постигна два погодока, “римската волчица” стигна до израмнување.
Особено прекрасен беше вториот гол кој го постигна Тоти, а потоа следуваше интересна прослава. Откако на ефектен начин ја затресе мрежата на Лацио, Тоти имаше време и да си направи селфи со фановите на Рома.
Инаку стрелци на двата погодока за Лацио беа Маури и Андерсон, во 25-та односно 29-та минута.