Свет

Трамп и Хилари Клинтон победници во Аризона

Трамп и Хилари Клинтон победници во Аризона

Претендентот за кандидат на Републиканската партија на претседателските избори во САД, Доналд Трамп и Хилари Клинтон, фаворит за номинација на Демократската партија, победија на внатрепартиските избори во Аризона.

И Трамп и Клинтон со победата на вчерашните прелиминарни избори во државата со 6,7 милиони жители, го зголемуваат водството во рамки на своите партии, јавуваат американски медиуми објавувајќи прелиминарни резултати.

– Многу поголема победа во Аризона отколку што очекувавме. Ви благодарам, нема никогаш да заборавам, напиша Трамп на Твитер.

Американскиот милијардер добил околу 46 отсто гласови во споредба со 22 отсто колку што освои сенаторот од Тексас Тед Круз и 10 отсто колку што доби гувернерот од Охајо Џон Кејсик.

Клинтон според проценките, забележа убедлива победа со 60,5 отсто гласови, наспроти 36,9 отсто гласови колку што доби сенаторот Берни Сандерс, нејзин противкандидат.