среда, 26 јули 2017  |  Вести денес: 0

Трамп победи на републиканските прелиминарни избори во Невада

tramp-putin

Последни вести

Американскиот бизнисмен Доналд Трамп победи на синоќешното прелиминарно гласање за избор на републикански кандидат за претседател на САД, што се одржа во сојузната држава Невада, пренесува МИА.

Според се уште неконечните разултати од гласањето на 40-те илјади делегати на републиканските изборни собранија во Невада, Трамп освоил над 46,5 отсто од гласовите, сенаторот од Флорида, Марко Рубио речиси 24 проценти, а сенаторот од Тексас, Тед Криз – нешто под 20 отсто.

Далеку зад нив се неврохиругот Ден Карсон со нешто над пет проценти од гласовите и гувернерот на Охајо, Џон Кејсич со речиси четири отсто.

Како што јави ТАСС, Невада делегира 30 претставници на Републиканската национална конвенција на која официјално ќе биде избран кандидатот на републиканците за претсдетаел на САД, што ќе се одржи од 18 до 21 јули во Кливленд.

Следните прелиминарни избори се предвидени за 1 март, кога на т.н. супер вторник ќе се гласа во над 10 американски сојузни држави.

Најчитани вести