Транспортот на мигрантите се одвива без проблеми

Транспортот на мигрантите се одвива без проблеми. Мигрантите кои што пристигнуваат на јужната гранична линија на земјава кон северната граница во текот на изминатава ноќ и утрово се транспортираат без проблеми и организирано од страна на сите чинители вклучени во справувањето со бегалската криза.

Состојбата на границата е нормална

Покрај тоа што транспортот на мигрантите се одвива без проблеми, како што информира МИА, состојбата на границата е нормална и под целосна контрола на специјалните полициски сили и единиците на АРМ.

Транспортот на мигрантите се одвива без проблеми
Транспортот на мигрантите се одвива без проблеми

Од друга страна, од пред два дена почнаа контролите и од грчка страна. Грчката полиција пропушта периодично во Македонија, на јужната граница да влегуваат помали групи од по стотина мигранти.

Дневно се транспортираат околу 3.000 мигранти

Според проценките на УНХЦР и Црвениот крст вчера од Гевгелија кон Табановце заминале повторно околу 3.000 мигранти, а се очекува дека таа бројка ќе биде постигната и во текот на денешниот ден.

Црвениот крст со медицинска и хуманитарна помош за мигрантите, фото: МИА
Црвениот крст со медицинска и хуманитарна помош за мигрантите, фото: МИА

Од железничка станица информираа дека утрово со вонреднио воз што тргна од платформата кај прифатниот камп кон Табановце се упатиле 700, а со редовниот воз заминале уште 500 мигранти. Останатите кои чекаат да бидат евидентирани во прифатниот камп во Гевгелија во текот на денот кон Табановце ќе се превезуваат со автобуси и такси возила, соопштува МИА.

Во текот на вчерашниот ден општина Гевгелија донираше 1.500 пакети со вода и исто толку пакети со кроасани кои беа прифатени од претставниците на УНХЦР и Црвениот крст и им беа поделени на мигрантите.

Доколку преземете содржина од оваа страница, во целост сте се согласиле со нејзините Услови за користење.