ВИДЕО: Трејлерот за најновиот филм на Бред Пит и Анџелина Џоли

Бред Пит и Анџелина Џоли повторно се заедно на филмското платно. Славната брачна двојка се појавува заедно во филмот „Покрај морето“ кое е во режија на Анџелина Џоли, а веќе е објавен и првиот трејлер.

Станува збор за сериозна драма, а во трејлерот Бред и Џоли покажуваат каква била атмосферата на снимањето на филмскиот проект.

„Покрај морето“ ја следи приказната на американскиот пистаел Роанлдо, кого го толкува Пит и неговата сопруга Ванеса (Анџелина) кои доаѓаат во мирното и идилично одморалиште на морето во Франција во 1970-тите.

Нивниот брак очигледно е во криза. Додека поминуваат време со другите патници, вклучително и со младиот брачен пар Леа и Франсоа и двајцата жители на селото Мишела и Патрис, двојката ќе почне да ги прифаќа нерешените проблеми во својот живот.

Проектот е инспириран од европскиот филм и театарот од 60-тите и 70-тите години на минатиот век.

Во филмот се и децата на омилената холивудска двојка, па така може да се каже дека Анџелина овој пат дословно го вклучила целото семејство во проектот.

Доколку преземете содржина од оваа страница, во целост сте се согласиле со нејзините Услови за користење.