Македонија,Крими хроника

Три лица загинаа, две тешко повредени во сообраќајката кај Струмица

Три лица загинаа, две тешко повредени во сообраќајката кај Струмица

Двајцата возачи на автомобилите кои вчера директно се судрија во близина на селото Радичево лоцирано меѓу Радовиш и Струмица се пренесени на скопските клиники со тешки телесни повреди.

Според информациите од Министерството за внатрешни работи  58-годишниот З.Б. од Струмица, возачот на „шкода октавиа“ и 44-годишниот А.А. од радовишкото село Злеово,  возачот на „мерцедес“  се пренесени на скопските клиники поради тешките повреди со кои се здобиле во вчерашната сообраќајна незгода.

Сообраќајката била фатална за 62-годишниот струмичанец Н.М. кој бил сопатник во „шкодата“-та.  На лице место починале и сопатниците во „мерцедес“-от 47-годишниот Р.Р. од Злеово и 25-годишниот Е.Т. од Сушево.

Несреќата се случи вчера во попладневните часови, кога двата авотмобили директно се судириле, и притоа се целосно уништени. Според извори од местото на настанот пожарникарите едвај ги извадиле телата на загинатите од возилата.