Меѓу главноосомничените за државниот удар е и пилотот Јусуф Курт, кој го урна рускиот авион во Сирија, а кој е по потекло од селото Букороц кај Призрен. Еден од организаторите на превратот е и генерал-потполковникот Метин Идил, кој е исто така со албанско потекло.
Албанските портали наведуваат дека Худути пред преземањето на командата над турската Втора армија командувал со единици на границите со Русија и Грција, и дека бил на чело на турските сили во Авганистан. Худути е роден во Речан, во близина на Призрен, а неговото семејство се преселило во Турција кога имал пет години, додека Озтурк е по потекло од Косовска Митровица.
