понеделник, 24 јули 2017  |  Вести денес: 1

Турција веќе страда: Цените паднати за 30 отсто поради руското ембарго

turcija

Поврзани вести

Турските производители на овошје и зеленчук бележат загуба поради ембаргото на увоз кое го воведе Русија, а санкциите предизвикаа пад на цените на домашниот пазар.

-Оваа сезона беше одлична за производителите на овошје и зеленчук, но тогаш дојде криза. За само два-три дена цените паднаа за 20 до 30 отсто, изјавил претседателот на турската федерација на трговци со овошје и зеленчук, Бурхан Ер.

Тој како пример наведува дека цената на мандарината и доматот на домашниот пазар паднала за третина и додава дека во случај на продолжение на кризата во односите со Русија, се очекува пад на цената и до 50 проценти.

Русија е најголемиот пазар за широк асортиман на турското овошје и зеленчук.

Иако ембаргото на увоз на овошје и зеленчук во Русија од Турција официјално ќе стапи на сила на 1. јануари, турските превозници уште од сега се жалат дека имаат проблеми со цариниците на влезот во Русија.

-Извезуваме голема количина овошје и зеленчук во Русија. Со последните одлуки на Русија, цариниците не дозволуваат робата да влезе во земјата и ги запираат превозниците. Не делува дека проблемот наскоро ќе биде решен, вели претседателот на индустриската и трговската комора на регијата Мугла во југозападна Турција, Булент Каракуш.

Претставникот на производители на овошје и зелечнук, Атабеј Акгун рекол дека регионалната индустрија дневно губи околу 350 илјади долари и додал дека од почетокот на кризата околу 30 камиони секој ден ја возат робата од Турција кон Русија, но дека запирањето на границата со Русија предизвикало голем губиток.

 

Најчитани вести