Турска парламентарна комисија утврди дека Ѓулен стои зад неуспешниот обид за преврат

Претседателот на турската парламентарна комисија, што се занимаваше со истрагата за обидот за преврат во Турција од минатото лето, Решат Петек, денеска изјави дека нема никакво сомнение дека муслиманскиот проповедник Фетула Ѓулен, стои зад неуспешниот преврат, пренесоа американските медиуми.

Петек изјавата ја даде додека го претставуваше извештајот на комисијата во врска со пучот.

Ѓулен, кој е поранешен близок сојузник на претседателот Реџеп Тајип Ердоган, а живее во САД,  негира дека е замешан во обидот за преврат.

Петек пред новинарите посочи дека извештајот открива дека движењето на Ѓулен со сигурност стои зад настаните од 15 јули.

Петек проповедникот Ѓулен го нарече „измамник“, кој веројатно ги подготвувал и превратите во последните 50 години.

Доколку преземете содржина од оваа страница, во целост сте се согласиле со нејзините Услови за користење.