Поради воспоставување на билатерални деловни контакти, турски компании денеска ќе дојдат во Скопје на средби со македонски фирми.
Потенцијалните деловни партнери се од регионот Испарта, познат по производство на руди и мермер, репроматеријали за градежништво (цемент), рози и суровини – екстракти од рози за повеќе индустриски намени, овошје и зеленчук, особено јаболка и цреши, хемиски материјали и текстил.
Стопанската комора на Македонија и Регионалната индустриска комора на Испарта, Република Турција се организатори на овој бизнис форум, а по крајот на официјалниот дел, планирани се билатерални разговори меѓу компаниите од повеќе стопански сектори.