сабота, 25 март 2017  |  Вести денес: 0

Тутунот со поголем род и повисока цена

Постигната е просечна цена од 196,82 денара за килограм или 14 денари повеќе од ланската која изнесуваше 182 денара.

tutun-640x294

Последни вести

Со поголем род од очекуваниот и повисока цена ќе заврши годинашниот откуп на тутунот.

Според последните податоци од Министерството за земјоделство, шумарство и водостопанство, преземени се преку 25.000 тони тутун што е 5.000 тони повеќе од првичните проценки за целата реколта 2016.

Постигната е просечна цена од 196,82 денара за килограм или 14 денари повеќе од ланската која изнесуваше 182 денара.

Исплатата за преземениот тутун е 98 отсто реализирана. Досега се исплaтени 4,848 милијарди денари.

Годинава тутун откупуваа девет претпријатија на вкупно 130 пунктови, а се очекуваше да бидат откупени околу 20.000 тони тутун. Законскиот рок за откуп завршува на 15 март, но поголемиот дел од пунктовите се веќе затворени. Ако некои производители дополнително пријават количини за откуп, откупното претпријатие, согласно Законот, е должно да одреди ден кога ќе го отвори пунктот за да ги преземе количините.

Најчитани вести