недела, 22 јануари 2017  |  Вести денес: 0

Убиениот во полицската акција во Брисел бил Алжирец поврзан со ИД

133079573

Последни вести

Алжирецот Белкаид Мохамед е осомничениот терорист, кој беше застрелан во вчерашната операција на полицијата во Брисел, соопшти денеска белгиското Јавно обвинителството, додавајќи дека тој илегално престојувал во Белгија.

Мохамед беше убиен кога отворил оган кон полицијата. Во станот, во кој се наоѓал полицијата пронашла знамиња на групата Исламска држава, 11 шаржери за автоматска пушка „Калашников“, исламистичка литература и експлозивни направи.

Во станот се наоѓале уште двајца мажи, кои успеале да побегаат и засега се уште се на слобода.

Белгиските медиуми јавија дека синоќа биле приведени 58 лица и биле спроведени над сто рации во Брисел.

Во локална болница синоќа бил донесен маж со скршена нога, за кого се претпоставува дека е поврзан со случајот. Тој се уште не е сослушан. Мажот, кој го довел повредениот во болницата, избегал.

Вчерашната полициска операција е поврзана со истрагата за ноемвриските напади во Париз. Еден француски и тројца белгиски полицајци беа повредени во заедничката антитерористичка операција на белгиската и француската полиција во бриселскиот кварт Форе. Ранетите полицајци се пуштени на домашно лекување.

Подоцна денеска треба да се одржи седница на Советот за национална безбедност на Белгија.

Најчитани вести