Убиство во тетовска Мала Речица. Попладнево е убиен 43- годишниот Хасмир Хасани од тетовското село Лисец.
Како што информира Бранислав Нешовски од тетовското јавно обвинителство, Хасани е убиен во чајџилница на ул.„Љуботенска“ во тетовска Мала Речица, информира јавниот обвинител.
Нешоски изјави дека околу 15:30 часот добил информација за убиство, по извршениот увид е утврден идентитетот на убиениот, а осомничен за убиството е Џафер Османи со прекар Џафа, жител на ул.„Иво Лила Рибар“ од Тетово.
Осомничениот веднаш по убиството избегал, а според првичните информации од увидот Нешовски рече дека Хасани е убиен со еден истрел во близина на срцето. За поточно утврдување на начинот како настапила смртта кај Хасани телото е предадено за обдукција.
Нешовски потврди дека има сведоци и очевидци на настанот и оти продолжуваат другите активности за рачистување на случајот.
