Учениците од трите основни училишта во Општина Илинден се дел од проектот ,,Едукација за значењето на енергијата, начинот на производство и употреба преку теоретски и практични примери“.
Проектот се реализира со поддршка на швајцарската Агенција за развој и соработка, а се спроведува од Здружението за заштита и унапредување на животната средина и промовирање на концептот на одржлив развој – Еко Логик, има за цел да го зголеми и унапреди знаењето за значењето на енергијата кај децата од основните училишта „Гоце Делчев“, „Ристо Крле“ и „Браќа Миладиновци“, на возраст од 10-12 години.
Во рамките на проектот опфатени се темите енергија, енергетска ефикасност, алтернативни извори на енергија, климатски промени и одржливо живеење, преку реализација на креативни и интерактивни работилници.
На овие работилници беа претставени нови и креативни начини на учење за младите на темите од животната средина, а задоволството и среќата кај учениците беше видлив показател за ефектите кои што ги имаат овие едукативни работилници.