Македонија

Училиштето „Златан Сремац“ доби нова просторија за дневен престој

Училиштето „Златан Сремац“ доби нова просторија за дневен престој

Свечено во употреба денеска беше пуштена новата просторија за дневен престој во Посебното основно училиште „Д-р Златан Сремац“ – Скопје. Оваа просторија беше реконструирана и пренаменета со средствата собрани од четвртиот Меѓународен добротворен базар 2014, кој се одржа на 7 јуни годинава. Тој беше организиран од „Добредојде“ – Македонија Велкам Центар по повод 1 јуни – Меѓународниот ден за заштита на детето, а годинава првпат беше поддржан од Градот Скопје.

За реконструкцијата и пренамената на просторијата во „Д-р Златан Сремац“ со продажба на ракотворби и разни производи на базарот биле собрани 172.000 денари.

Пуштањето во употреба новата просторија за дневен престој беше проследено со настап на децата од ПОУ „Д-р Златан Сремац“, а потоа на децата им беа поделени пакетчиња, подарок од Американската стопанска комора во Македонија.