Борците на самопрогласената Доњецка Народна Република во Источна Украина во текот на изминатото деноноќие зазеле три населени места, изјави нивниот претставник, јави ТАСС.
Портпаролот на министерството за одбрана на ДНР Едвард Басурин соопшти дека се преземени Могила Острахја, Савеловка и Булавино, јужно од градот Дебалцево. Силите на Киев имале 40 загинати и 50 повредени.
Претходно претставник на министерството за одбрана на ДНР ги обвини силите на Киев дека го прекршиле прекинот на огнот 12 пати во изминатите 24 часа.
Нападнати биле градот Углегорск и селата Саханка и Шахино. Повредени се околу 20 борци, изјави претстваник на министерството, пренесува ТАСС. Тој ги обвини силите на Киев дека изминатата ноќ на три пати отворале оган врз аеродромот во Доњецк и Дебалцево. Нема податоци за жртви меѓу цивилното население.