Украле бакар од трансформатор од манастир

Крадци украле 30 килограми бакар од трансформатор во тетовското село Вратница, информираше МВР.

Според полицијата, кражбата била извршена во периодот од 11 часот во понеделникот до 5 часот вчера.

Непознати лица од трансформатор за дистрибуција на електрична струја на манастирот „Свети Константин и Елена“ украле бакарни елементи со тежина од 30 килограми како и бакарен електро проводник.

Вкупната имотна корист со која противправно се стекнале сторителите на кражбата се проценува на 8.000 денари.
Се преземаат мерки за откривање на сторителите.

Доколку преземете содржина од оваа страница, во целост сте се согласиле со нејзините Услови за користење.