Балкан

Унгарија утре ќе ја затвори границата со Хрватска

Унгарија утре ќе ја затвори границата со Хрватска

Унгарија утре ќе ја затвори границата со Хрватска, а висока ограда е поставена и сега се додава само дополнителна жица, пишува Танјуг.

Оградата е висока повеќе од 3,5 метри и поставена е на целата копнена граница меѓу Унгарија и Хрватска.

Унгарски војници веќе две недели забрзано работеа на подигнување на бедемот меѓу двете држави членки на ЕУ, и според информации од Будимпешта, работата ќе биде завршена утре, наведува весникот.

По завршувањето на работите, бегалците ќе може да минуваат само преку службените премини.

Унгарија утре ќе ја затвори границата со Хрватска
Унгарија утре ќе ја затвори границата со Хрватска

Кај граничниот премин Барањско Петрово Село – Беременд се поставува ограда, а слично е и кај границата во Подравина, во општината Гола и кај Ботово.

Преку Барањско Петрово Село како службен премин и Ботов како илегален премин во текот на минатите две недели во Унгарија влегле речиси 100.000 бегалци кои во Хрватска претходно дошле од Србија.

Целосното затворање на границата и завршувањето на изградбата на оградата планирани се за крајот на неделава, најверојатно утре, по што бегалците во Унгарија ќе може да влезат само на службените гранични премини.