вторник, 25 јули 2017  |  Вести денес: 60

Универзитетот „Св.Климент Охридски“- Битола објави конкурс за упис на 3.543 бруцоши

Вкупно 3.543 студенти бруцоши ќе може да се запишат на Универзитетот „Св.Климент Охридски“-Битола во следната академска година.

univerzitet-bitola

Последни вести

Вкупно 3.543 студенти бруцоши ќе може да се запишат на Универзитетот „Св.Климент Охридски“-Битола во следната академска година.

Од Ректоратот на Битолскиот Универзитет информираат дека во прва година ќе може да се запишат 2.040 студенти во редовната – државна квота за студирање, 790 редовни студенти со кофинансирање во студиите и 713 вонредни студенти

Во новата академска година на Техничкиот факултет ќе може да се запишат 590 студенти, Факултетот за информатички и комуникациски технологии објави оглас за 460 студенти, а Технолошко-техничкиот факултет во Велес – 355 студенти. Слободните места за упис на студенти во прва година се главно идентични со минатата година и на Економски факултет во Прилеп има место за 430 студенти, на Факултетот за туризам и угостителство во Охрид 370, додека пак на Факултетот за безбедност во Скопје ќе може да се запишат 360 студенти, информираат од УКЛО-Битола.

Во новата академска година Педагошкиот факултет-Битола обезбеди можност за упис на 125 студенти, Правен факултет-Кичево 270, Факултетот за биотехнички науки-Битола 260, Ветеринарен факултет-Битола 45 и Високата медицинска школа на своите 5 насоки ќе може да запише 278 студенти.

За следење и реализација на конкурсот, УКЛО формира универзитетска конкурсна комисија која ќе одлучува и за потребата од спроведување дополнителен уписен рок по завршувањето на трите уписни рокови што ќе се реализираат во периодот од средината на август до 20 септември.

Најчитани вести