Уште една успешна година за „Алкалоид“: Нето добивка од над 600 милиони денари

Фармацевтскиот гигант „Алкалоид“ зад себе остава уште една успешна година, а за тоа сведочат и официјалните бројки кои што произлегуваат од неревидираниот консолидиран Биланс на успех, објавен на страницата на Македонска берза.

Од први јануари до 31-ви декември минатата година, „Алкалоид“ оствари нето добивка по оданочување во висина од 600 милиони 452 илјади денари, додека истата таа во 2012-та година била 583 милиони 763 илјади денари.

Вкупните приходи на компанијата, во овој пресметковен период, се седум милијарди 97 милиони 599 илјади денари, додека во 2012-та се прокнижени шест милијарди 788 милиони 633 илјади денари.

Од нив, на домашен пазар се реализирани три милијарди 122 милиони 867 илјади денари, додека на странски пазари е три милијарди 974 милиони 732 илјади денари.

Во овој период во „Алкалоид“ се реализирани 73 нови вработувања.

Доколку преземете содржина од оваа страница, во целост сте се согласиле со нејзините Услови за користење.