Македонија

Уште утре важи обврската за носење зимска опрема во возилата

Уште утре важи обврската за носење зимска опрема во возилата

До 15-ти март, односно до утре, важи законската обврска за носење зимска опрема во возилата, потсетуваат од АМСМ.

Сообраќајот на патишта во Македонија се одвива без забрани и застои, по претежно суви коловози.

АМСМ препорачува внимателно управување со возилата и почитување на поставената патна и сообраќајна сигнализација и на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево и Берово – Виница, каде е можна почеста појава на одрони.

АМСМ ги предупредува возачите да пристапуваат внимателно и со намалена брзина кон местата на кои се изведуваат работи на пат и да се придржуваат кон упатствата од новопоставената вертикална сигнализација.