БЈР Македонија- тоа име е апсурд, тогаш јас сум од „поранешна австро-унгарска провинција Крањ“, вели во интервју за „Вечерњи лист“ Иво Вајгл, известувач за Македонија од Европскиот парламент.
„ По таа логика, можам да кажам дека јас сум од поранешната југословенска република Словенија или поранешна австро-унгарска провинција Крањ. Потполно е апсурдно и ирационално да Грција, која бара од нас разбирање и помош, покажува толку мала солидарност за соседите и неразбирање дека со непризнавањето на Македонија се создава кризно жариште на нивните граници“, вели Вајгл во интервјуто за хрватскиот весник.