Лично на лидерот на СДСМ му кажав дека опозицијата мора да се врати во Парламентот, изјави во ексклузивно интервју за алфа, Иво Вајгл, словенечки европарламентарец и новиот известувач во ЕП за Македонија.
– Дојдов до сознание дека прва работа која Македонија сама мора да ја реши е да воспостави нормален парламентарен однос меѓу опозицијата и владата. Парламентот е место каде со соочуваат ставовите и каде може да се води дијалог за несогласувањата, за проблемите. Тоа значи дека опозицијата мора да се врати во Парламентот. Тоа беше и мојата порака до лидерот на опозицијата – кога се има 30 проценти од гласовите, се има голема моќ, се има значаен мандат на своите гласачи и тој треба да се искористи, а не да практично се отфрли. Но тоа бара и почитување од страна владата и партиите победнички на изборите“ вели Вајгл.
Тој во интервјуто додава и дека Македонија може да ги почне преговорите за членство, Грција треба да покаже дека го има духот на европско добрососедство, а Унијата мора да понуди нов пристап во процесот на проширување.