Магазин

Вака блескаше Охрид од феноменот Сина Месечина

Вака блескаше Охрид од феноменот Сина Месечина

Балканскиот Ерусалим – Охрид вчера вечер блесна под Сина месечина, редок астрономски настан што се случува на секои две и пол години.

Гледката не може да се опише со зборови.

oh

oh2

Повеќе за феноменот Сина Месечина

Појавата не е многу честа, што и ја прави поинтересна. Последен пат феноменот е забележан во август 2012 година, а следниот пат ќе се случи во јануари 2018 година.

Иако се работи за нормална природна појава, многумина на овој феномен му препишуваат посебна моќ, а различни народни верувања сугерираат дека за време на Сина Месечина се е можно.

Самиот назив Сина Месечина потекнува од 1883 година, кога исто така во еден календарски месец имало две полни Месечини. Таа година еруптирал индонезискиот вулкан Кракатоу, а поради честичките на вулканскиот прав во атмосферата, Месечината „посинела“.

По ова Месечината повторно станала „сина“ во септември 1950 година, кога астрономот Роберт Вилсон тврдел дека до тоа доаѓа поради прекршување на светлината во облакот од чад предизвикан од голем шумски пожар во Канада.

Природните појави секогаш со себе носат и разни мистични толкувања. Така и во овој случај Фенг Шуи филозофијата советува дека за време на „Сината Месечина“ не треба да се караме и да се лутиме и треба да се обидеме да бидеме мирни и сталожени.

Исто така, би било добро нашите мисли да бидат позитивни и да ги визуелизираме своите желби, идеи и цели.

За време на „Сината Месечина“ наводно се е „засилено“, па затоа е добро да се медитира и де се наполниме со добра енергија и да им ја препраќаме на други.

На кусо, бидете опуштени и испраќајте позитивни вибрации, тоа во секој случај не може да штети.

 

ФОТО: Стојан Стојановски, Мите Јосифоски

 

 

Феноменот Сина Месечина вчеравечер беше видлив со голо око, а особено е интересен поради тоа што не е честа појава.