Валенсија подобра на гостувањето кај Реал С.

Во последниот натпревар од неделната програма на шестото коло од шпанското фудбалско првенство Валеснија како гостин во Сан Себастијан го совлада Реал Сосиедад со 3:2 (1:1).

Гостите од Валенсија водеа и со 1:0 и со 2:1 преку Родриго Морено во 27 минута и Начио Видал во 5 минута, но домашните изедначуваа преку Елеустондо во 3 и Ојарзабал во 59 минута. Откако Заза во 85 минута и трет пат ја донесе Валенсија во водство, домашните немаа одговор.

Претходно во неделата Еспањол со 4:1 го совлада Депортиво. Стрелци за домашните беа Лео Баптистао во 5, Арибас си постигна автогол во 22, Жерар Морено од пенал погоди во 72 минута а беше прецизен и во 90 минута, додека голот за гостите го постигна Борхес во 53 минута.

Хетафе, исто така, високо со 4:0 го совлада Виљареал. Стрелци беа Анхел во 54 и во втората минута од судиското продолжение, Хорхе Молина во 64 и Маркел во 67 минута.

Лас Палмас со 0:2 беше совладан пред своите навивачи од Леганес, а головите ги постигнаа Беаувае во 47 и Ерасо во шестата минута од судиското надополнување.

Убедлива гостинска победа од 4:0 забележа и Селта кај Еибар. Стрелци беа Кабрал во 17, Гомез во 23, Пабло Ернандез во 39 и Вас во 72 минута.

На чело на табелата е Барселона со максимални 18 бодови, четири повеќе од второпласираниот Атлетико Мадрид, а пет од третопласираната Севиља. Шампионот Реал Мадрид по лошиот старт сега е петти со 11 бодови.

Доколку преземете содржина од оваа страница, во целост сте се согласиле со нејзините Услови за користење.