Валс: Ќе има уште терористички напади во Франција

Француските власти прават се што можат за да ги спречат терористичките напади, но ќе има уште, изјави денес премиерот на Франција Емануел Валс.

Во Франција каде сеуште е на сила вонредната состојба по терористичките напади во Париз во ноември 2015-тата година, вчера радикален исламист во предградие на Париз уби брачна двојка, полицаец и неговата сопруга.

Како што пренесува Ројтерс, Валс истакнува дека француските разузнавачки и полициски сили спречиле 15 терористички напади од 2013-тата година и дека преземаат постојани напори за следење на потенцијалните терористи.

Мораме да ја затегнеме мрежата и да им ги дадеме на полицијата и на разузнавачките служби сите средства што им се потребни, но дека и покрај тоа ќе има уште напади, предупредува Валс во интервју за радио станицата „Франс Интер“ и додава: „Ќе страдаат уште невини луѓе“.

Доколку преземете содржина од оваа страница, во целост сте се согласиле со нејзините Услови за користење.