Властите мора да надгледуваат околу 3.000 луѓе поврзани со терористичките мрежи, во рамки на новите мерки на француската Влада со цел сузбивање на радикалниот исламизам, по нападите од 7 јануари во Париз, изјави денеска францускиот премиер, Мануел Валс.
Според него, бројот на луѓе поврзани со џихадистичките мрежи во Ирак и Сирија се зголемил за 130 отсто во рок од една година.
Валс, исто така најави дека ќе бидат ангажирани 2.680 нови припадници на полицијата, жандармеријата или разузнавачките служби, а владата ќе мобилизира дополнителни 425 милиони евра за борба против екстремизмот.