Вардар доби фудбалска лекција и од Шкендија

Уште еден срамен пораз, но сега на домашен терен и од одличниот тим на шкендија, доживеа актуелниот шампион на Македонија, Вардар.

Како и во претходните два натпревари, така и во последниот, од 23. коло во македонската Прва фудбалска лига, избраниците на рускиот стручњак, Сегеј Андреев, одиграа очајно во поголемиот дел од натпреварот и сосема заслужено доживеаа уште еден неочекуван пораз кој е јасен сигнал дека нешто не функционира како што треба во „црвено-црниот” табор.

Шкендија дојде во водство со погодокот на бугарскиот интернационалец Милев во 23 минута, а во 69 минута, на 1:1 израмни Филип Петров.

Погодокот вреден три бода, постигнат во 73 минута, беше дело на бразилскиот интернационалец Жуниор.

Резултати: Хоризонт – Еуромилк ГЛ 2:0, Металург – Напредок 2:0, Ренова – Гостивар 0:1, Пелистер – Македонија ЃП 2:1, Вардар – Шкендија 1:2.

ТАБЕЛА: Х.Турново 41, Работнички 41, Пелистер 41, Вардар 38, Металург 37, Ренова 31, Еуромилк ГЛ 30, Шкендија 30, Брегалница 29, Македонија ЃП 22, Напредок 14, Гостивар 14.

Доколку преземете содржина од оваа страница, во целост сте се согласиле со нејзините Услови за користење.