Спорт

Вардар го прегази Санкт Петербург

Вардар го прегази Санкт Петербург

Aктуелен освојувач на Купот и на СЕХА лигата, Вардар со победа го започна настапот на традиционалниот меѓународен ракометен турнир во Струга.

Вардарци во првото коло го совладаа рускиот вицешампион Санкт Петербург со убедливи 35:22 (16:13).

Ова беше прв натпревар на Вардар во новата натпреварувачка сезона и деби на новите засилувања Арпад Штербик, Блаженко Лацковиќ и Сергеј Гробок, кои покажаа дека „црвено-црните“ во сезоната што следува ќе бидат сериозен тим, со високи амбиции.

Најефикасен во таборот на Вардар беше Дибиров со 7 погодоци, Карачиќ имаше 6, додека Прибак запиша 5. Голманот Штербик забележа 9 успешни интервенции.

Вардар денеска го игра вториот натпревар на турнирот против екипата на Металопластика. Овој меч стартува од 19.00 часот.