Како и што прогнозираше тренерот на нашиот шампион Раул Гонзалес, Вардар и покрај поволниот резултат од првиот натпревар во Полска (30:30), во реваншот по голема борба и многу потешко од очекувањата успеа да збележи тесна победа, но доволна за четвртфинале.
Гостите имаа два гола предност по првото полувреме, водеа и во последните десетина минути, но одбранетиот пенал од страна на Петар Ангелов го „заврти“ резултатот, а првиот голман Арпад Штербик одбрани зицер во последната минута и не дозволи поголема драма во последните 60 секунди.
Алем Тоскиќ со осум голови и Штербик со 16 одбрани беа најзаслужните за победата на Вардар.
Последната пречка на „црвено-црните“ пред завршниот турнир во Келн ќе биде унгарскиот шампион Веспрем кој денеска го совлада Мотор Запорожје со 41:28.
Пласман меѓу осумте најдобри обезбедија уште и Киелце, Кил, ПСЖ и Барселона.
Последните два патника во четвртфиналето од елитното натпреварување ќе бидат познати утре по натпреварите: Флензбург – Монпеље (28:27 прва средба) и Рајн-Некар – Загреб.
