Спорт

Вардар триумфираше на Меѓународниот младински турнир во фудбал „Скопје куп“ 2014

Вардар триумфираше на Меѓународниот младински турнир во фудбал „Скопје куп“ 2014

Вчера заврши Меѓународниот младински турнир во фудбал „Скопје Куп“ 2014, на кој фудбалските вештини ги одмерија околу 400 фудбалери од младинските клубови на Хрватска, Србија, Бугарија и на Македонија.

Екипата на Вардар-Скопје го освои првото место во категоријата фудбалери родени 1997 година и помлади, второто место екипата на Војводина од Нови Сад, а третото место го освои ЦСКА-Софија.
Во категоријата фудбалери родени 1999 година и помлади првото место им припадна на фудбалерите на Партизан-Белград, второто на екипата на Осиек од Хрватска, а третото на ФК Реал-Ниш.

На најдобрите екипи на турнирот им беа доделени пехари и медали, на најдобрите голмани Данило Наумов од ЦСКА-Софија, генерација 1997 и Вукашин Пилиповиќ од Партизан-Белград, генерација 1999 година, им беа доделени пехари и брендирани ракавици, а на најдобрите играчи Добривоје Велемир од Војводина од Нови сад, генерација 1997 и Јован Валукин од Партизан-Белград, генерација 1999 година, пехари и копачки.

На фудбалскиот турнир 20 екипи од Македонија, Хрватска, Србија и од Бугарија беа поделени во две категории (фудбалери родени 1997 година и помлади и 1999 година и помлади). Од македонските екипи, на турнирот учествуваа Вардар-Скопје, Пелистер-Битола, Шкендија-Тетово, клубови од Охрид, Репрезентација на Град Скопје, Академија Пандев-Струмица, а од екипите од регионов силите ги одмерија екипите на: Партизан-Белград, ЦСКА-Софија, Осиек, Војводина, Славија-Софија и Реал-Ниш.

Овој голем меѓународен младински турнир во фудбал „Скопје Куп“ 2014, во машка конкуренција за младинци од генерациите `97 и `99 и помлади, беше поддржан од Град Скопје и Фудбалската федерација на Македонија, а го организираше Здружението „Скопје куп“.Информации за натпреварите може да се најдат на www.skopjecup.mk