Вардарки трети во Европа

Ракометарките на Вардар СЦБТ го освоија третото место на фајнлфорот во Лигата на шампионите, откако на турнирот во Будимпешта во малото финале го совладаа тимот наМитјиланд со 34:31 (14:12).

Избраничките на тренерката Индира Кастратовиќ, одлично го одиграа целиот нтпревар и во ниеден момент не им го предадоа водството на данските ракометарки. Македонскиот шампион најголемата предност ја направи во 44 минута кога поведоа со шест голови (23:17). Од овој момент веќе беше јасно дека Вардар СЦБТ ќе го освои третото место во Лигата на шампионите. Најефикасна во“црвено-црниот” тим беше Николиќ со 6 , додека Лекиќ и Радичевиќ по пет пати ја затресоа противничката мрежа.

Доколку преземете содржина од оваа страница, во целост сте се согласиле со нејзините Услови за користење.