Имаме потреба од малку време, за да ја појасниме позицијата на Владата на различните партнери, изјави грчкиот министер за финансии Јанис Варуфакис на заедничката прес-конференција со францускиот министер за финансии Мишел Сапен.
Варуфакис побара време до крајот на месецот за да ги стави на маса деталните предлози.
– Потоа, во рок до еден месец, можеби шест седмици, би можеле да постигнеме договор – додаде тој.
Сапен го повтори предлогот на Париз да посредува за нов договор меѓу Атина и нејзините партнери, но го исклучи простувањето на долгот.