Македонија

Велес помеѓу 7.000 градови во светот каде еден час се исклучи освелувањето

Велес помеѓу 7.000 градови во светот каде еден час се исклучи освелувањето

Во рамките на светската волонтерска кација „Час за спас на планетата Земја”, во саботата во Велес се затемни и Малото мовче и споменикот на Гемиџиите.

Во овие 60 минути околу седум илјади градови од 163 земји меѓу кои и Велес, затемнија дел од нивните простори. Целта беше да се подигне свеста кај граѓаните за зачувување на животната средина и борба против климатските промени.

Организатори на акцијата беа членовите на еко-клубот при хемиското училиште „Димитрија Чуповски”, а поддршка дадоа и градоначалникот Славчо Чадиев, претседателот на Советот Александар Колев, директорите на неколку училишта од градот, актерите Зоран Љутков и Весна Димитрова – Бобевски, групата Соната, Мики Секуловски, Панче Ќумбев и уште неколку здруженија на граѓани и поединци од Велес.