Претседателот на Собранието на Република Македонија, Трајко Вељаноски, во интервју за ТВ НОВА, зборуваше за односот на Катица Јанева со институциите на државата.
– Многу има Регулаторни тела кои што поднесуваат извештаи, сега ако тие решат “еве не сакам да доаѓам, сами гледајте го извештајот“, како што имаше од страна на Специјалната Јавна Обвинителка, во таа ситуација ние го деградираме уставно-правниот поредок. Мислам дека тоа е лош пример, кој што еве би го прифатиле како еден лош ден и би посакал понатаму и г-ѓата Катица Јанева да дојде во Собранието, затоа што е избрана од самото Собрание, да го одбрани извештајот и да даде пример на почитување на институции како што треба и сите други да почитуваат и Собранието и Уставниот Суд и Претседателот на државата, Владата и сите правосудни органи, рече Вељаноски.
